Улуу Ата-Мекендик согуштагы жеңиштин 80 жылдыгы районубузда белгиленип, “Өлбөс полк” жөө жүрүшү өткөрүлдү. Жөө жүрүшкө райондук мамлекеттик администрация башчысы-аким Манас Мураталиев, акимдин орун басарлары, айыл өкмөт башчылары жана мекеме ишканалардын жетекчилери эмгек жамааттары менен жана район тургундары катышышты.
Андан соң, эстеликке гүл чамбар коюлуп, ата-бабаларды эскерип куран окулду.
Районубуздагы жалпы билим берүүчү орто мектептеринин окуучулары тарабынан Жеңиштин 80 жылдыгына арналган “Жеңиш балдардын – көзү менен” сүрөт көргөзмөсү уюштурулуп, майрамга келген ар бир инсандын көңүлүн бурду.
Райондук А.Сыдыков атындагы маданият үйүнүн кызматкерлери тарабынан даярдалган майрамдык театрлаштырылган концерт тартууланды. Майрамдык салтанаттын жүрүшүндө аким Манас Мураталиев куттуктоо сөз сүйлөп, ата-бабаларыбыздын эрдигин баса белгилеп, элибизге тынчтык, ден соолук, ар бир үйгө кенен ырыскы каалады.Улуу Ата Мекендик согуштагы жеңиштин 80 жылдыгына карата өткөрүлгөн спорттук оюндарда орунга жетишкен командалар диплом жана акчалай сыйлыктар менен сыйланышты.
