Тогуз-Торо районунун Чет-Булак, Атай, Карл-Маркс айылдарына райондук Аманкан Жакишов атындагы жалпы дарыгерлик тажрыйба борборунун медицина кызматкерлери айыл элин медициналык текшерүүдөн өткөрүлдү.
Айыл элинин саламаттыгын кароодон өткөрүүнү Аялдар тынчтык банкынын колдоосу менен ишке ашып жаткан Седеп долбоорунун алкагында демилгеленип керектелүүчү медициналык каражаттар камсыздалган.Боор, бөйрөк, сахар диабети жана башка оорулардын анализин алуу менен, гинеколог, фтизиатр, педиатр жана үй-бүлөлүк дарыгерлерден жарандар текшерилди. Ден соолукту чыңдоо кабинетинин адиси тарабынан жугуштуу эмес ооруларды алдын алуу, бурцелез, кургак учук, үй-бүлөнү пландаштыруу жана милдеттүү медициналык камсыздандыруу полиси боюнча маалымат берилип, маалымат баракчалары таратылды.
Медициналык кароонун негизги максаты элдин саламаттыгына кам көрүү ооруларды алдын алуу болуп саналат.
