Аким ийгилик жараткан спортчуларды сыйлады

Тогуз-Торо районунун башчысы- аким Манас Мураталиев оор атлетика боюнча өспүрүм балдар, кыздар жана кенже өспүрүм балдар арасында Кыргыз Республикасынын биринчилигинде I жана III орунду камсыздаган Нурайым жана Фатима Ясыноваларды кабыл алды.
Аким жаш спортчулардын жетишкен ийгилиги менен куттуктап, спортчуларга жана алардын машыктыруучусуна ийгиликтерди каалап, жеке өзүнүн атынан акчалай колдоо жана ыраазычылык баракчасын тапшырды.
Турнирге жалпы кыздар арасында 30 спортчу катышып, Нурайым Ясынова 37 кг салмакта 1-орунду, Фатима Ясынова 53 кг салмакта 3-орунду ээлеген.
Белгилей кетсек, машыктыруучусу Дастан Арзыматов 2016-жылы окуучулар арасында спартакиадада 51 кг салмакта республиканын чемпиону, учурда Тогуз-Торо райондук Отор Чопиев атындагы балдар-өспүрүмдөр спорт мектебинде спорттун оор атлетика түрү боюнча жалпы 35 бала мышыктырып келет.